1-СЫНЫПҚА ҚҰЖАТ ҚАБЫЛДАУ ТУРАЛЫ АҚПАРАТ
2026–2027 оқу жылына арналған Алматы қаласының мемлекеттік мектептерінің 1-сыныбына құжат қабылдау 2026 жылғы 10 маусым мен 31 тамыз аралығында жүзеге асырылады.
Өтінішті Ұлттық білім беру платформасы OQU (oqu.edu.kz), электрондық үкіметтің egov.kz порталы арқылы немесе қағаз түрінде тікелей білім беру ұйымына тапсыруға болады.
2026–2027 оқу жылында Алматы қаласы бойынша 215 мемлекеттік мектеп 1-сыныпқа қабылдау жүргізеді.
Өтініш беру үшін заңды өкілдің тұрғылықты жері бойынша тұрақты тіркеуі болуы қажет. Тұрғылықты мекенжай мемлекеттік ақпараттық жүйелер арқылы расталады.
1-сыныпқа қабылдау үшін келесі құжаттар ұсынылады:
- баланың 3×4 көлеміндегі фотосуреті;
- профилактикалық екпелер картасы (№ 065/у нысаны);
- баланың денсаулық паспорты (№ 052-2/у нысаны);
- ерекше білім беру қажеттіліктері бар балалар үшін ПМПК қорытындысы.
Мектепалды даярлықты (0-сынып) аяқтаған білім алушылар ата-анасының (заңды өкілдерінің) өтініші негізінде 1-сыныпқа қабылданады.
Өтінішті қарау мерзімі – 1 жұмыс күні.
Өтініш беру бойынша бейненұсқаулықпен мына сілтеме арқылы танысуға болады:
https://www.youtube.com/watch?v=r6rVyvHYySg
Құжаттарды тапсырар алдында бейненұсқаулықты қарап шығу ұсынылады
.
:
Осы беттің QR-коды:
QR-код этой страницы:
📢 Құрметті ата-аналар мен оқушылар!
№141 жалпы білім беретін мектепте мектеп формасына қатысты бірыңғай талаптар сақталады. Оқушылардың классикалық үлгідегі киім киюі мектептің ішкі тәртібінің маңызды бөлігі болып табылады.
🔷 Ұлдарға: ақ түсті жейде, қою көк түсті классикалық шалбар, пиджак немесе жилет, галстук және қара түсті аяқ киім.
🔷 Қыздарға: ақ жейде, қою көк түсті белдемше немесе классикалық шалбар, пиджак немесе жилет, қара түсті аяқ киім.
Оқу жылы барысында белгіленген мектеп формасын сақтау – барлық оқушылар үшін міндетті.
Түсіністік пен қолдау көрсеткендеріңізге алғыс білдіреміз!
